Verbanne vun engem Bluetooth-Audioapparat oder Wireless-Bildschierm mat Ärem PC
E Bluetooth-Audioapparat verbannen (Windows 10)
Fir Äre Bluetooth-Apparat, z. B. Headset, Lautsprecher oder Kopfhörer, mat Ärem Windows 10-PC ze verbannen, musst Dir den Apparat fir d’éischt koppelen.
Maacht Äre Bluetooth-Apparat un a gitt sécher, dass e kann erkannt ginn.
Op wéi eng Aart a Weis Dir den Apparat erkennbar maacht, hänkt vum eenzelnen Apparat of. Weider Informatioune fannt Dir an den Apparatinformatiounen oder op der Produktwebsäit.
Wielt an der Taskbar d’Ikon “Info-Center” aus a gitt sécher, dass de “Bluetooth” aktivéiert ass.
Am Info-Center, wielt “Verbannen” a wielt Ären Apparat dann aus.
Befollegt déi eventuell zousätzlech Uweisungen. Am anere Fall sidd Dir fäerdeg.
MIracast-Wireless-Bildschiermer
Verbannt Äre PC wireless mat enger TV, engem Projekter oder mat enger anerer Aart vu Bildschierm, dat Miracast ënnerstëtzt.
Maacht Är TV oder Äre Projekter un. Wann Dir e Miracast-Dongle oder Adapter benotzt, gitt sécher, dass en um Bildschierm ugeschloss ass.
Gitt sécher, dass de Wi-Fi op Ärem PC desaktivéiert ass.
Wielt an der Taskbar d’Ikon “Info-Center” > Verbannen > a wielt Ären Apparat aus.
Befollegt dann déi eventuell zousätzlech Uweisungen um Ecran. Am anere Fall sidd Dir fäerdeg.
WiGig-Wireless-Bildschiermer
Verbannt Äre PC wireless mat engem Moniteur, engem Projekter oder mat enger anerer Aart vu Bildschierm, dat mat enger WiGig-Docking-Statioun verbonnen ass.
Maacht d’TV oder de Projekter un.
Maacht Är WiGig-Docking-Statioun un a gitt sécher, dass se un d’Bildschierm ugeschloss ass.
Iwwerpréift, ob Äre PC WiGig ënnerstëtzt an ob en un ass. Wann Äre PC WiGig ënnerstëtzt, gesitt Dir e “WiGig” -Kontrollelement ënner Parameteren > Netzwierk an Internet > Fligermodus.