Baakanya dikgolaganyo tsa didirisiwa tsa modumo tsa Bluetooth le dibontshi tse di senang mogala
Sediriswa sa modumo sa Bluetooth
Fa o tobetsa konopo yaGolagana mo lefelotiragatsong o bo o sa bone sediriswa sa gago, leka se se latelang:
Tlhomamisa gore sediriswa sa gago sa Windows se tshegetsa Bluetooth le gore e tshubilwe. O tla bona konopo ya Bluetooth mo lefelotiragatsong.
Fa o sa bone konopo ya Bluetooth, leka go ntšhwafatsa selaodisi sa sediriswa sa gago. Jaana: E ya go Simolola, tsenya Selaola Sediriswa, se tlhophe go tswa mo lenaaneng la dipholo, go tswa foo, mo Selaola Sediriswa, batla sediriswa sa gago, se tobetsa ka konopo ya kafa mojeng (kgotsa tobetsa o bo o nna o tshwere), tlhopha Ntšhwafatsa Serweboleta sa Selaodisi, tlhopha Phuruphutsha ka itiriso serweboleta se se ntšhwafaditsweng sa selaodisi, go tswa foo o bo o latela dikgato tse di setseng.
Fa Bluetooth e tshubilwe, mme le selaodisi se ntšhwafaditswe, mme sediriswa sa gago se sa ntse se sa dire, leka go tlosa sediriswa seno o bo o dira kgokaganyo e nngwe fape. Jaana: Ya go Simolola, tsenya Didiriswa tlhopha Bluetooth tlhopha sediriswa, tlhopha Tlosa sediriswa o bo o leka go gokaganya gape.
Tlhomamisa gore sediriswa sa modumo se se nang le Bluetooth se tshubilwe e bile se kgona go bonwa. Gore o dira seno jang go a farologana go ya ka didiriswa tse di farologaneng, ka gone tlhola tshedimosetso e e tlileng le sediriswa sa gago kgotsa o ye kwa webosaeteng ya motlhami.
Didiriswa tsa miracast
Fa e re fa o tobetsa konopo yaGolagana mo lefelotiragatsong o bo o sa bone sediriswa sa gago, leka se se latelang:
Tlhomamisa gore sediriswa sa gago sa Windows se tshegetsa Miracast ka go tlhola tshedimosetso e e duleng le sone kgotsa ka go ya kwa webosaeteng ya motlhami.
Tlhomamisa gore Wi-Fi e tshubilwe.
Tlhomamisa gore sebontshi se o batlang gore go bonale mo go sone se tshegetsa Miracast le gore se tshubilwe. Fa se sa dire, o tla tlhoka segokaganyi sa Miracast (se ka dinako tse dingwe se bidiwang “donkele”) se se polakiwang mo setshwaraganying sa HDMI.
Didiriswa tsa WiGig
Fa o tobetsa konopo yaGolagana mo lefelotiragatsong o bo o sa bone sediriswa sa gago, leka se se latelang:
Tlhomamisa gore sediriswa sa gago sa Windows se tshegetsa WiGig e bile se tshubilwe. Fa PC ya gago e tshegetsa WiGig, o tla bona konopo ya WiGig mo Diseting > Seemo sa mo sefofaneng
Tlhomamisa gore sebontshi se tshegetsa WiGig. Fa se sa e tshegetse, o tla tlhoka segokaganyi sa WiGig.