Te tūhono i tētahi pūrere ororongo Bluetooth, tētahi whakaatu ahokore rānei ki tō rorohiko
Te tūhono i tētahi pūrere ororongo Bluetooth (Windows 10)
Hei tūhono i tō maupane, tukuoro, kaweoro Bluetooth rānei ki tō rorohiko Windows 10, me mātua takirua e koe te pūrere.
Whakakāngia tō pūrere Bluetooth kia taea ai te kite. Hei te pūrere ake te tikanga e huraina e koe. Tirohia te mōhiohio, te paetukutuku rānei o te pūrere mō ētahi kōrero anō.
Ki te pae tūmahi, me tīpako te ata pokapū ngohe, ka āta tirohia kei te kā te Bluetooth .
I te pokapū ngohe, tīpako Tūhono, ka kōwhiri i tō pūrere.
Me whai i ngā tohutohu tāpiri. Tērā rānei, kua oti koe.
Ngā whakaatu ahokore MIracast
Tūhono ahokore ai tō rorohiko ki tētahi pouaka whakaata, pūwhiti, tētahi atu tūmomo whakaatu o waho rānei e tautoko ana i te Miracast.
Whakakāia tō pouaka whakaata, pūwhiti rānei. Ina kei te whakamahi koe i tētahi puku kōhiko Miracast, pūurutau rānei, āta tirohia kua mono mai ia ki te whakaatu.
Āta whakarite kua weto te Wi-Fi ki tō rorohiko.
I te pae tūmahi, tīpakohia te ata pokapū ngohe > Tūhono > kōwhiria tō whakaatu.
Me whai i ngā tohutohu tāpiri kei te mata. Tērā rānei, kua oti koe.
Ngā whakaatu ahokore WiGig
Tūhono ahokore ai tō rorohiko ki tētahi whakaatu, pūwhiti, tētahi atu tūmomo whakaatu o waho rānei kua tūhono ki te pūhono WiGig.
Whakakāia te pouaka whakaata, te pūwhiti rānei.
Whakakāia tō pūhono WiGig, āta tirohia kua tūhono hoki ki te whakaatu.
Āta tirohia kei te tautoko tō rorohiko i te WiGig, kei te kā hoki. Ki te tautoko tō rorohiko i te WiGig, ka kite koe i tētahi mana WiGig i roto i Ngā Tautuhinga > Whatunga me te Ipurangi > Aratau Rererangi.